සින්දු | මගේ ආදරයේ අනුපමේය ගීතය

සිත උදුවප් මහේ... පරාජිත දුටු සතුටු මලක් ඔස්සේ...
ඔබගේ හිතෙහි ලැගුම් ගන්නට...

වෙර දරන ඇය....

මගේ ආදරයේ අනුපමේය ගීතය

-සින්දු - 

සීත උදුවප් මාසයේ සති කිහිපයක්ම එක දිගට කඩා හැලුනු වරුසාව නිසා තැනින් තැන වතුර පහරවල් කඩා හැලෙයි. පාන්දර මිදුම නිසා අවට කිසිවක් හරියාකාරව පෙනෙන්නේ නැත.  එහෙත් පාන්ද අවදි වු කුරුලු පැටවුන්ට නම් මේ පරිසරයේ වෙනස්කම් ප්‍රිතිය උපද්දවන කරුණක්ම පමණි. කදුකරයේ පහල ලැයිමේ ලමිස්සියක් බංගලාව දෙසට එන බව පොඩි මැණිකා දුටුවේය. ඒ සැනින් ඇය පඩිපෙලවල් බසිමින් ඉදිරියට ගියේ. කොණ්ඩ කරල් දෙකක් ගොතා මල් වැටුණු චිත්ත ගවුමකින් සැරසුනු මෙම යුවතිය දකින්නන්ගේ හිතට ප්‍රිය උපද්දවන දසුනකි. කිරි බොතල් දෙකද තුරුළු කරගෙන වන මල් ගොමුවක් තවත් අතෙක රදවා උඩ පැන පැන එන යුවතිය දෙස පොඩි මැණිකා බලා සිටියේ තරමක් කෙන්තියෙනි..

ඇයි යකෝ.... උඹ තාම පොඩි එකියෙක් කියාල ද හිතාන ඉන්නේ, දගරදදා වන වන එන ලස්සන..
කවුරු හරි දැක්කොත් මොනවා නොකියයිද? 

සින්දු... පොඩි මැණිකේ දිහා බලා කට කොනින් සිනා සෙන්න විය.

හ්ම්.. පොඩි මැණිකේ තරහින් සින්දු දෙස බැලිය.  බලපන් කෙල්ලේ දැන් වෙලාව කියද කියලා, තව මෙතන සිරික්කිය දානවා, පලයන් ඉක්මණට ගිහින් බංගලාව අතුපතු ගාලා අස්පරස් කරහන්.. පස්සට ඉර වැටෙනකම් බුදිය ගන්නවා.. මොකෝ උඹ ගෙදර ඉදියත් වැඩක් කරන එකක්යැ පොඩි හාමිනේ තොල තොන්චියක් නැතිව කියවගෙන ගියේය. 

සින්දු... ඇයට කිසිවක් නොකිවේය.. පොඩි හාමිනේ සින්දුගේ මවය.. ඇය නිරන්තරයෙන්ම තොර තොන්චියක් නැතිව කියවන ගැහැණියක් බව විටෙක අප්පච්චි සින්දුට කියා සිනහසෙයි. 

පොඩි මැණිකා... පොඩි මැණිකා... මේ එනවා ලොකු මැණිකේ, මොනවද බං මෙච්චර වෙලා කරන්නේ දැන් වෙලාව බලපන් කිරි බොන්නේ දවල් දෙළහටද.. අනේ ලොකු මැණිකේ මිදුම වැඩියි, පාන්දර සීතලයි.. නිසා කෙල්ලට ටිකක් නින්ද ගිහින්... 

කෝ... සින්දු ආවද?

ඔවු ලොකු මැණිකේ... මම කිව්වා මිදුල ඩිංගක් පිහිදාල පලයන් කියලා.. එකි එහා පැත්තේ ඇති ලොකු මැණිකේ,  ඇය ලොකු මැණිකේට ගෞරව ලෙසත් යටහත් පහත් සේවිකාවත් ලෙසත් ඇය දෙස නොබලා බිම බලා කිවේය.

හා.. හා.. ඉක්මන් කරපන්.. ලොකු හාමුට කිරි ටික ගිහින් දිපන්,  ඇය පොඩි හාමිනේට ඇයගේ දිනපතා සුපුරුදු කාල සටහන මතක් කරන්නට විය. 

**************

සින්දු

ඈ... මගේ ආදරයේ අනුපමේය ගීතයයි. 

ආදරණීය සින්දු......

අවුරුද්දට හිත පිරෙන්න ඇදුම් කැඩුම් අරන් දෙන්න මගේ පුංචි දගකාරිට එය අන්දා හැඩ බලන්න ඉස්සර මෙන් බක්මාසෙට අවුරුද්දක් උදාවෙන්න...

සිංහල අලුත් අවුරුදු සමය අවසානය. එහෙත් තවමත් මෙදා අවුරුද්දට මට ඔබ දකින්නට නොහැකි විය. සුභ අළුත් අවුරුද්දකට ආසිරි මල් මිටක් එව්වා පමණි. එහෙත් වෙන අවුරුදු වල නම් නොවරදවාම ඔබ බලන්නට ආවෙමි. ඔබට සුභ අළුත් අවුරුද්දකට පැතුම් ගෙනාවේ ඔබේ අත්දෙක දැඩිව අල්ලා ගනිමිනි. මේ අවුරුද්ද වෙනුවෙනුත් ඔබට එලෙසම සුභ පත්නට ඇත්නම් යැයි මට නොසිතෙනවා නොවේ.  එහෙත් ඔබටත් මටත් හමුවන්නට දැන් අවසර නොමැත. එබැවින් ගෙවුණු අවුරුදු සමයේ මතක සටහන් යළි සිහිපත් කරමින් සැනහෙන්නට උත්සාහ කරමි. ගෙවි ගිය අවුරුදු සමය ඔබට මතකද?  

අපි ෂොපිං යමුද?

අවුරුදු නිවාඩුව අවසානයේ ඔබත් මාත් මුණගැසුණු දවසක මම ඔබෙන් ඇසුවෙමි.

ඒ මොකටද?

ඔබ මගෙන් ඇසුවේ හීන් හඩිනි.

මගෙ පැටියට අවුරුද්දට තෑග්ගක් අරගෙන දෙන්නද?

මම ඔබේ පිට මත සුරත  තබා අතිශය ලෙංගතු ලෙස කිවෙමි.

මට මුකුත් එපා... 

ඔබ කියන්නේ අතිශය ආදරණිය ස්වරයකිනි. ඔබට තෑගි එපා බව සැබවි. එහෙත් සිංහල අළුත් අවුරුද්දක් යනු ආදරය කරනවුන්ට තෑගි දෙන වතවානුවකි. තෑගි බෝග හුවමාරු වෙද්දී හිතින් හිතට මාරුවන සතුට මොනතරම් නම් සුන්දරද? එබැවින් තවත් වතාවක් මම ඔබට පෙරැත්ත කළෙමි. අවසානයේ ඔබ සිනාසෙමින් මා සමග එන්නීය. ඔබ වඩාත් සුන්දර ළා පාට ඇදුම් වලටය. ඔබ වඩාත් ප්‍රිය කරන්නේද ළා පාට ඇදුම් ඇද කොණ්ඩය පිට දිගට විසිරුවා ගත් කළ ඔබ කෙරෙන් පළවන්නේ දගකාර  ස්වභාවයකි. ඒ දගකාර යෞවනියකට මම අපමණ ආදරය කළෙමි. ඉතින් ඒ දගකාරියගේ දගකාර බව වඩාත් ඔප් නැංවෙන සේ සොදුරු ගත සරසන්නට මම ආශා කළෙමි.

ඔයා කැමති ඇදුමක් ගන්න.

මම ඔබේ කණට කොදුරා කීවෙමි.

ඔයානේ අරගෙන දෙන්නේ.... ඔයා කැමති එකක් තෝරන්න...

ඒ වුණාට ඔයානේ අදින්නේ.... ඒ නිසා ඔය හොද එකක් තෝර ගන්න....

බෑ... ඔයා තෝරල දෙන ඕනෙම ඇදුමක් මම අදිනවා.

අපි දෙදෙනා මොහොතකට රණ්ඩු වීමු. මට තෝරන්න දැනෙන්නේ කෙල්ලො විතරයි. ලෝකෙම ඉන්න හොදම කෙල්ල මං තෝර ගත්තා. ඒ වුණාට ඒ කෙල්ලට ඇදුම් තෝරන්න මට දැනෙන්නෙ නෑ... මා කිවිට ඔබ සුන්දර ලෙස හිනැහෙව්වට වුවාය. එහෙත් එය විහිළුවක් නොවේ. ලෝකයේ සිටින සුන්දරම සහ ලෙංගතුම යුවතිය ඔබ නොවේ යැයි කියන්නේ කෙළෙසද? මට නම් ඔබේ මුහුණ සැනකෙළියකි. ඒ මුහුණ මත හිනැහෙන තරු නෙතු සගල මොනතරම් සුන්දරද? මම ඔබේ මුහුණ දෙස බොහෝ වර බලා සිටින්නේ එබැවිනි. ඔබේ ලස්සනින් මගේ හිත පුරවා ගන්නට ලැබීමම මොනතරම් සතුටක්ද? එහෙත් මේ ලෝකයේම සිටින ලස්සනම කෙල්ල ඔබ යැයි මා ඔබට කිවිට ඔබ හිනැහෙන්නට වෙයි. 

මොකද හිතෙන්නේ...

ඔබේ හිසට පුංචි ටොක්කකුත් අනිමින් මම ඔබෙන් ඇසුවෙමි.

නිකන්..... ඒක නෙවි මට ඇදුම් ඕන නෑ... මට ඇදුම් අරන් දෙන සල්ලි වලින් ඔයා කණ්නාඩි කුට්ටමක් ගන්න. ඇස් පෙනීම හුගක් දුර්වලයි වගේ....

ඔබ සිනාසෙමින් කිවාය.

ඇයි ඒ.....

ඇයි කියන්නේ.... ලෝකෙ ඉන්න ලස්සනම කෙල්ල මං කියන්නේ ඇස් පෙනිම අඩු හින්ද නෙමේද? 

ඔබ මගේ සුරතේ පැටලෙමින් ඇසුවාය. එහෙත් එදත් මිලට ගත්තේ ඔබට ඇදුම් මිස මට කණ්නාඩි නොවේ. ඔබ කෙසේ කිවත් මට නම් මෙලොව තවමත් ලස්සනින් වැඩිම යුවතිය ඔබයි. එහෙත් හිතට දුක ඒ සොදුරු යුවතිය දකින්නට නොලැබීමය. 

තටු සිදුනු සමනළියේ නුඹටයි මේ ඔහු වෙනුවෙන් කියන්නට මතක බණවර....

 

ගහක් උනත් ඔහේ හැදෙන්න දුන්නොත් හැදෙන්නේ ගහට ඕන විදියට... ගහක් ලස්සනට හදාගන්න ඕන නම් එ ගහ හදන්න ඕන කාලයක් තියෙනවා.. අතු දඩු මේරුවට පස්සේ ගස් හදන්න අමාරුයි අරටුවක් හැදුනට පස්සේ ගහ හදන්න අමාරුයි.. විසිතුරුව තියෙන ගොඩක් පැල තවාන් කාලයේදීම හදන්න පටන් ගන්නේ.. ජිවිතේ උනත් එහෙමයි.. ඔයාලගේ ජිවිතය පටන් ගත්ත යුගයේදිම හදාගන්න බලන්න... සමහර කටුක අත්දැකිම් ලැබුණට පස්සේ ජිවිතේ වෙනස් කරන්න අමාරුයි.. වෙනස් කරන්න ඕනි උනත් ඒකට ශක්තියක් නැහැ... ගේ ඉස්සරහ මිදුලෙ තියෙන ගහක් කැලේ තියෙන ගහක් වගේ හදන්න අමාරුයි... එකට රටාවක් කලාවක් තියෙනවා.. ජිවිතේ දිහාවත් ඒ වගේ බලන්න පුරුදු වෙන්න... අතු දඩු නවන්න පුළුවන් මේ කාලයේදිම පුළුවන් ජිවිතය හදාගන්න...

අනාගතය ගැන හිතන්න මට බයයි... අනාගතය ගැන අපි මොනවා හිතුවත් දෛවයක් තියෙනවනේ.. ඒ විදියට වෙයි හැම දෙයක්ම.. අනාගතය ගැන හිතන්න ගියාම හිත පිස්සු වැටෙනවා.. ඊට වඩා හොදයි නොහිතා ඉන්න එක....

අනාගතේ ගැන ඔයාගෙන් ඇහුවොත් ඔයාලා ගොඩක් දෙනෙක් හිතන්නේ ඔය වගේ දියාරු වෙච්ච උත්තර ටිකක්...  අනාගතය ගැන තිරණයක් ගන්න කොට එක පාරක් හිතලා මදි.. දෙතුන් පාරක් හිතලත් මදි... දස දහස් වතාවක් හිතන්න ඕනා... ප්‍රධානම දේ විය යුත්තේ ඔබ තීරණයක් ගන්නා විට ඒක නිසා පසුතැවෙන්න වෙනවනම් ඒ තිරණය ගැන තව පාරක් හිතන්න.. මොකද ජිවිතය ගැන බරපතල තීරණයක් ගත්තට පස්සේ මුකුත් කරන්න බැරි වෙන්න පුළුවන්....

ඔයා... එයාව අමතක කරන්න.. ගියදේ ගියාවේ... අපි අළුතින් ජිවිතේ පටන් ගමු. මෙහෙම කියලා මම ඔයාට කතා කරනවා කියලද ඔයා හිතන්නේ නැහැ.. නැහැ.. කොහෙත්ම නෑ... 

දන්නවද? කවදාහරි අඩන්න බලාගෙන තීරණ අරගෙන වැඩක් නෑ... ඒ තිරණය නිසා අද හිනා උනත් හෙට අඩන්න වෙනවා නම් එකෙ හරි දුක හිතෙන දෛවයක් තියෙනවා. අඩන එක අනාගතයේ දී කියලා  හිතලා ඔයාට අද හිනාවෙන්නත් බෑ..  ජිවිතේ මිනිස්සුන්ට වැරදෙන තැන් එමට තියෙනවා එහෙම කියලා මිනිස්සු ජිවිතේ හැඩු කදුලින් ගත කළේ නෑ... එහෙමත් නැත්තම් හැම අඩන ගැණියෙක්ම තමන් යසෝදරවක් කියලා ඔප්පු කරන්න හිතාගෙනද එහෙම කරන්න.. එත් මතක තියාගත්තනම් හොදයි යසෝදරාවක් සිදුහත් කුමාරයා වෙනුවෙන් දුක් වින්දේ පතිභක්තියට මිසක් වෙන අහවල් එකකට නෙමෙයි. පතිභක්තිය කියන්නේ මොකක්ද කියාල කවුරුත් දන්නවා ඇතිනේ ඒ ගැන පැහැදිලි කිරිමක් අවශ්‍ය වෙන එක නැහැ කියලා මම හිතන්නේ..  අනික අද සමාජයේ තනිකඩ ගොඩක් කෙල්ලෝ තමයි මේ පතිභක්තිය පෙන්නන්න යන්නේ අහවල් මගුලකටද මන්දා එහෙම කරන්නේ... එහෙම කරලා එයාලා බලාපොරොත්තු වෙන්නේ සමාජය එයා ගැන දුක්වෙයි කියලද ....

එක දෙයක් මතක තියාගන්න... ඒක වැදගත් දෙයක්.. කාටවත් තමන්ගේ ජිවිත අනාගන්න ගිනි තියා ගන්න තහනමක් නෑ... ඕන කෙනෙකුට නිදහස තියෙනවා ජිවිතේ මඩ වලක දාන්නත් පුදසුනක තබාගන්නත්....

වස බෝතලේ තියෙන්නේ... ඕනි නම් කෙනෙකුට අරගෙන බීගෙන බීගෙන යන්න පුළුවන් ජින්ජර් බියර් කියලා හිතාගෙන... තහනමක් නෑ... ලෝකයා කරන්නේ හරි ආශාවෙන් ඔබේ දෙණ ඉදිරියේ මල් වඩමක් තබන එක.. හෙට පිහියක් අරගෙන පාරට බැහැලා කෑ ගගහා කියන්න මම පිහියෙන් ඇණගෙන මැරෙන්න යන්නේ කියලා.. මිනිස්සු පිස්සෙක් කියලා ඔයාට හිනාවෙලා යන ගමන යයි ඔයාව නවත්තලා අනේ මැරෙන්න එපා... කියන්නේ නෑ.... ඔය නැති නෑ කම් හදාගෙන ළග ඉන්න එවුනත් ඒ මේ සමාජයේ හැටි කාගෙවත් දුක් වලට ණයට අඩන්න සමාජය පරිත්‍යාගශිලි නැහැ... ඔයා වෙනුවෙන් ඔයා උනත් මැරුනත් සමාජය පුරුදු වේගයෙන් පුරුදු විකාරයෙන් ගමන් කරනවා කාගෙන්වත් පළිගන්න ඔයාගේ ජිවිතය විනාශ කරගෙන ඵලක් නැහැ අද ඔයා ඉන්න තත්ත්වය අනාගතය ගැන තිරණයක් අරගෙන ලස්සනට ජිවිතය හදාගන්න හොද අවස්ථාවක්... මේ කාලයේදි ඔබේ වට්ටියට ඕනි තරම් මල් දමා ගන්න පුළුවන් ඔයා කොහොම හිතුවත් නැතත් ඔයා තාම පිපුණා විතරයි.. නිස්කාරනේ ජිවිතේ විනාස කරගන්න එපා... දිලා දාන්න ඔය මතක බණවර ගියාවේ අතීතේ පස් යටට අළු වෙලාම... මැරුණ එවුන් වලෙන් නැගිටලා එන්නේ අපේ ආශාවන් ඉෂ්ධ කරන්න නෙමෙයි. උන්ගේ ආත්ම වලට සැනසීම ලබා ගන්න අපෙන් පින් උරා බොන්න... 

මතක තියා ගන්න.. අනාගතේ ගැන අබ ඇටයක් තරම්වත් හිතාගන්න බැරි යුගයක් එනවා.. හරිම හිස් ලෝකයක තනිවෙලා අනාගතය ගැන තීරණයක් ගන්න වෙනවා.. ඒ දවස් මීට වඩා දුක්බරයි.. ඒ වගේ දවසක අනාගතේ ගැන තීරණ ගන්න හිතන්නවත් එපා.